Perezida w’Igihugu cy’u Burundi, Evariste Ndayishimiye, niwe wafashe iyambere mu gushimira Perezida Félix Tshisekedi, waraye atangajwe n’urukiko rw’itegeko Nshinga rwo muri Repubulika ya Demokarasi ya Congo, ko ariwe watsinze amatora y’umukuru w’igihugu yabaye kuwa 20 Ukuboza 2023.
Ibi yabitangaje muri iri ijoro rya keye rishira kuri uyu wa Gatatu, tariki ya 10 Mutarama 2024, nyuma y’uko Urukiko rw’Itegeko Nshinga rutangaje ku mugoroba wo kuri uyu wa 09 Mutarama 2024, ko Tshisekedi ariwe wegukanye intsinzi mu bandi ba kandida bahataniye nawe umwanya w’umukuru w’igihugu.
Mu mpera z’umwaka wa 2023, Denis Kadima, uhagarariye Komisiyo yigenga Ishinzwe gutegura Amatora muri RDC (CENI) , yatangaje ko umukandida watsinze abandi k’umwanya w’umukuru w’igihugu, ari Perezida Félix Tshisekedi, muri icyo gihe yatsinze bagenzi be k’umajwi 73%, 47, Moïse Katumbi waje k’umwanya wa Kabiri yagize amajwi 18,08%, mu gihe uwa Gatatu yabaye Martin Fayulu ku majwi angana na (4,92).
Nyuma y’uko Urukiko rw’Ikirenga rumaze gutangaza uwegukanye intsinzi muri RDC, Perezida w’u Burundi, Evariste Ndayishimiye yongeye gufata iyambere mu gushimira Tshisekedi, nk’uko yabikoze ubushize.
Yagize ati: “Gutangaza ibyavuye mu matora y’umukuru w’igihugu muri RDC, bitangajwe n’urukiko rw’Itegeko Nshinga byampaye amahirwe yo kongera gushimira byimazeyo mugenzi wanjye kandi nifurije amahirwe masa Félix Tshisekedi wongeye gutorerwa kuyobora igihugu cya RDC.”
Perezida w’u Burundi, yatangaje ibi mu gihe Moïse Katumbi we, yari amaze kugaragaza ibi murimo aho yagize ati: “Tshisekedi imikino yakinye y’uburiganya yamaze kuyigaragaza. Ariko kandi n’igihe kirageze kugirango abaturage ba Congo bishire bizane mu gihugu cyabo.”
Abatavuga rumwe n’ubutegetsi bwa Congo, bakomeje gutangaza ko mu matora aheruka muri RDC, yabayemo uburiganya bityo rero bagasaba ko amatora yasubirwamo bundi bushya.
Ibi byatumye urukiko rw’Itegeko Nshinga rushikirizwa ikirego na bamwe mubakandida, ariko rwemeza ko Tshisekedi ariwe wegukanye intsinzi.
Adeline Uwineza
