Umunyamakuru Uwimana Nkusi Agnes yahamagajwe n’Urwego rw’igihugu rw’Ubugenzacyaha RIB, aho byitezwe ko atanga ibisobanuro ku mvugo akoresha mu biganiro bye zibiba urwango n’amacakubiri mu Banyarwanda.
Uwimana Nkusi Agnes azwi cyane mu biganiro akora bica ku muyoboro wa YouTube, yise Umurabyo TV.
Nk’uko ibaruwa y’Umugenzacyaha Rwamashaka John imuhamagara ibivuga, Agnes Uwimana yahamagajwe hashingiye ku ngingo ya 9 n’iya 10 z’itegeko no 12/2017 ryo kuwa 17 Mata 2017 rishyiraho Urwego rw’Ubugenzacyaha RIB.
Biteganijwe ko Nkusi Agnes yitaba ubugenzacyaha none kuwa 27 Ukwakira 2022, ku biro bikuru byayo biri ku Kimihurura mu Karere ka Gasabo.
Uwimana Nkusi Agnes akunze kuvuga ko ari ijwi rya rubanda, mu biganiro acisha ku Umurabyo TV. Akunze kandi kumvikana asebya zimwe muri gahunda za Leta y’u Rwanda. Hari abanenga ibiganiro bye ko biba byuzuye imvugo z’urwango zishobora guhembra amacakubiri.
