Umwanditsi mukuru w’ikinyamakuru Marianne cyo mu bufaransa witwa Natacha Polony, Urukiko rw’i Paris mu Bufaransa rwamuhanaguyeho icyaha cyo guhakana no gupfobya jenoside yakorewe Abatutsi.
Uwo mwanzuro wafashwe kuri uyu wa Gatanu, wasomwe n’urugereko rwa 17 rw’urukiko rwo mu murwa mukuru Paris. Polony avuga ko “ugaragaza ko abantu bashobora kuvuga mu bwisanzure no ku bintu byiciwemo abantu nka jenoside”.
Polony, w’imyaka 47, yari akurikiranywe ku birego by’amashyirahamwe atandukanye yo mu Bufaransa amushinja guhakana jenoside yakorewe Abatutsi mu mwaka 1994, nkuko bitangazwa n’ikinyamakuru Le Figaro hamwe n’ibiro ntaramakuru AFP byo mu Bufaransa.
Kuva mu mwaka wa 2017, itegeko ku bwisanzure bw’itangazamakuru mu Bufaransa rihana guhakana no gupfobya jenoside iyo ari yo yose yemewe n’iki gihugu.
Uwineza Adeline
