Perezida wa Benin, Patrice Talon yahaye umwanya Umunyarwanda Pascal Nyamulinda wo kuyobora ikigo gishinzwe irangamuntu muri Benin.
Nyamulinda yamenyekanye cyane ubwo yabaga Umuyobozi w’Umujyi wa Kigali muri 2017, umwanya yavuyeho muri 2018 ubwo yeguraga.
Kuri ubu amakuru ahari, ni uko Nyamulinda yagizwe Umuyobozi w’Ikigo cy’Igihugu cya Benin gishinzwe irangamuntu kizwi nka Benin Nation Identification Agency.
Ni umwanya yahawe na Perezida wa Benin, Patrice Talon kuri uyu wa Gatatu tariki 22 Gashyantare 2023.
Nyamulinda kandi azwiho ubunararibonye mu by’imishinga y’irangamuntu kuko yayoboye umushinga w’Igihugu cy’u Rwanda w’irangamuntu, umwanya yamazeho imyaka 10 kuko yawugiyeho muri 2007 awuvaho muri 2017.
RWANDATRIBUNE.COM
