Urwego rw’Igihugu rw’Ubugenzacyaha RIB rucumbikiye umunyarwenya uzwi nka Nyaxo ukurikiranyweho icyaha cyo gukubita no gukomeretsa gihanishwa igifungo gishobora kugera ku myaka itanu.
Uyu musore uzwi nka Nyaxo ariko amazina ye bwite akaba ari Kanyabugande Olivier yatawe muri yombi mu cyumweru gishize tariki 18 Kanama 2022.
Nyaxo yatawe muri yombi nyuma yo gukubitira umugabo muri resitora iherereye mu Murenge wa Nyamirambo mu Karere ka Nyarugenge, akamukomeretsa.
Abazi amakuru y’ifungwa rya Nyaxo, bemeza ko yatawe muri yombi nyuma yuko akubise icupa mu mutwe uwo mugabo w’imyaka 30 akamukomeretsa, aho ubu afungiye kuri station ya RIB ya Nyamirambo.
Urwego rw’Igihugu rw’Ubugenzacyaha (RIB) kandi rutangaza ko kuri uyu wa Mbere rwamaze gushyikiriza Ubushinjacyaha Dosiye y’ikirego kiregwamo uyu munyarwenya kugira ngo Ubushinjacyaha buzamuregere Urukiko rubifitiye ububasha.
RWANDATRIBUNE.COM
Ariko nta kuntu bene aba Banyamurengwe bajya bacibwa amande atubutse agashyirwa muri mutuelle de Sante zigahabwa abatishoboye na Leta ikabyungukiramo aho kubarunda muri Gereza aho bikomereza kurya no kuvurwa kdi ibyo ar’ukunyunyuza imitsi y’abaturage beza?buriya iyo mubahannye mubafunga muba muhannye abaturage na Leta kdi bo barengana