Umutoza Ali Bizimungu arikwishyuza ikipe ya Kiyovu Sports umwenda w’ibirarane ukabakaba miliyoni 3 z’amafaranga y’u Rwanda.
Uyu mwenda ukubiyemo ibirarane by’umushahara n’andi mafaranga yagiye yishyura mu bikorwa by’ikipe ya Kiyovu Sports yijejwe kuzayasubizwa ariko ubuyobozi bugaterera agati mu ryinyo.
Ibi bikubiye mu ibaruwa Bizimungu yandikiye ishyirahamwe ry’umupira w’amaguru mu Rwanda FERWAFA ayisaba kumurengaruna akishyurwa amafaranga yishyuza.
Yasezerewe mu ikipe ya Kiyovu Sports mu kwezi kwa 5/2020, aho yari yarasinye mo amasezerano y’umwaka,ubuyobozi bw’iyi kipe bumusezerera buvuga ko nta musaruro uhagije atanga.
Umutoza Ali Bizimungu yavuye muri Kiyovu Sports nyuma yo gutandukana n’amakipe atandukanye yo mu Rwanda arimo Muhanga Fc, Rayon Sports ndetse n’ayandi.
MWIZERWA Ally
