Umuyobozi wungirije w’ibiro bya Perezida Vladimir Vladimirovich Putin yarokotse igitero cya za bombe zarashwe n’ingabo za Ukraine mu gace ka Kherson mu majyepfo ya Ukraine
Nkuko bitangazwa n’ibinyamakuru byo mu burengerazuba bw’Isi birimo France 24, Sky News na Crux News, uyu muyobozi Sergey Kirienko yari yivuganywe na Ukraine kuri uyu wa 20 ubwo yari mu butumwa bw’akazi aho yarimo asura urugomero rw’amashanyarazi rwa Kakhovskaya no guhura n’abayobozi batandukanye bashyizweho n’u Burusiya mu duce twa Ukraine Ingabo z’u Burusiya zigaruriye.
Amakuru akomeza avuga ko ubwo ingabo za Ukraine zamenyaga ko uyu mutegetsi w’Umurusiya yari muri ako gace zahise ziharasa urufaya rw’amabombe zigamije kumuhitana ariko aza guhita ahungishwa igitaraganya n’ingabo z’u Burusiya zari zimukikije.
Ku rundi ruhande ariko ibinyamakuru by’Abarusiya nka RIA Novosti na TASS byo byatangaje ko bombe zarashwe n’ingabo za Ukraine kuri urwo rugomero nyuma gato yuko Sergey Kiriyenko ahavuye.
Claude HATEGEKIMANA
RWANDATRIBUNE.COM
