Umwe mu banyamakuru bakomeye muri Somalia ,wanengaga cyane umutwe wa AL- Shabab yishwe n’umwiyahuzi witezeho igisasu ubwo yasohokaga muri resitora iherereye I Mogadishu kuri uyu wa Gatandatu nk’uko byemejwe n’abayobozi n’umuryango we.
AL-Shabab ntiyatinze kwigamba iki gitero cyahitanye umuyobozi wa Radio Mogadishu ,Abdiaziz Mohamud Guled ,wari uzwi cyane nka Abdiaziz Afrika.
Iki gitero kandi cyakomerekeje abandi bantu benshi ,barimo umuyobozi wa Televiziyo y’igihugu ya Somalia n’umushoferi we.
Mubyara wa Abdiaziz witwa Abdullah Nur avugana na Reuters yagize ati”Mubyara wanjye Abdiaziz yishwe n’umwiyahuzi wari witezeho igisasu ari gusohoka muri resitora yapfuye arimo kwihutanwa ku bitaro”
Yakomeje avuga ko yakundaga kunenga cyane ibikorwa bya Al –Shabab.
Mu itangazo ryashyizwe ahagaragara ,Minisitiri w’itangazamakuru wungurije wa Somalia ,Abdirahman Yusuf Omar,yatangaje ko igihugu gihombye umugabo wari intwari.
Uwineza Adeline
