Umwana w’umutegetsi mu Burusiya ushinjwa kwiba ikoranabuhanga ry’intwaro za USA  yacikishijwe n’intasi z’Abarusiya!

Rwiyemeza mirimo w’Umurusiya wari ufungiye mu Butariyani ashinjwa kwiba ikoranabuhanga ry’intwaro za Leta Zunze Ubumwe z’Amerika yarangiza akarishyikiriza Abarusiya  , yaciye mu rihumye ubutabera bw’Ubutaliani bitangaza inzego z’umutekano z’iki gihugu.

Ni umuhungu wa Aleksander Uss Guverineri w’intara ya Klasnoyarsk yo m’Uburusiya witwa Artem Uss, wabashije gucika ubutabera bw’Ubutariyani aho yari afungiye,  nyuma y’umunsi umwe gusa urukiko rwo mu mujyi wa Mila rufashe umwanzuro wo kumwohereza muri Leta Zunze Ubumwe z’Amerika ,aho yagomba kujya gukurikiranwa n’ubutabera bw’icyo gihugu ku byaha ashinjwa.

Anashinjwa kwandi kurenga ku bihano USA yafatiye igihugu cya Venezuela ku bijyane n’igurishwa rya Peterori , aho ashinjwa gufasha iki  gihugu kuyigurisha mu buryo bwa magendu  ku masoko mpuzamahanga.

Igipolisi cyo mu mujyi wa Mila, kivuga ko cyabuze irengero rye kuwa gatatu mu masaha y’ikigoroba ndetse ko cyatunguwe  kikanatangazwa cyane n’itoroka rye ,kikemeza  kidashidikanya  ko Artem Uss yatorokeshejwe n’intasi z’Abarusiya.

Umwaka ushize  wa 2022,ubushinjacyaha bwa USA bwashinje Artem Uss n’abandi barusiya bagera kuri bane kwiba ikoranabunga rikoreshwa mu gucura intwaro za Leta Zunze Ubumwe z’Amarika , bifashishije uruganda rwo m’Ubudage rutigezwe ruvugwa azina .

Nyuma yo kwiba iri koranabuhanga rya rya Leta Zunze Ubumwe z’amerika, Artem Uss  yahitaga arigurisha  ku ngada zicura intwaro z’Abarurusiya  ndetse ko hari iryatangiye gukoreshwa  n’ingabo z’Uburusiya  mu ntambara yo muri Ukraine nk’uko byemezwa n’ubushinjacyaha bw’iki gihugu.

Yatawe muri yombi kuwa 17 Ukwakira 2022 ku kibuga cy’indege cya Malpensa mu mujyi wa Mila mu Butariyani, ari kumwe n’abandi Barusiya bagera kuri bane k’ubusabe bwa Leta Zunze Ubumwe z’Amerika.

(https://www.collegehippo.com/)