Umwanditsi mukuru wa Jenerali Omega , Ajida Uwamungu Innocent wafatiwe k’urugamba ubwo inyeshyamba za M23 zarwanaga n’inyeshyamba za FDLR hamwe na Nyatura n’abandi bafatanya na FARDC k’urugamba, yatangaje ko bahawe imyambaro n’amasasu ngo bajye kurwanya M23 gusa kugeza ubu abasirikare babo bakaba benda gushirira k’urugamba.
Ajida Uwamungu yatangaje ko yafatiwe mu rutare ubwo bari barimo kurwana na M23, yatangaje ko mu rutare hari hasigaye abasirikare bake abandi bose bari bakwiriye imishwaro, n’aho abandi bo bamaze gupfa.
Uyu mu Ajida yatangaje ko abasirikare benshi bamaze kubashiraho, kuko iyo habaye intambara FDLR ihita yifatanya na FARDC , Nyatura,Hamwe na APCLS bose bagahita bishyira hamwe kugira ngobarwanye umwanzi wa FARDC. Nyamara kuri iyi nshuro ineshyamba za FDLR ngo zahahuriye n’uruva gusenya kuko amasasu yenda kubarangiza.
Uyu mu Ajida kandi yatangaje ko FDLR ariyo itanga imyitozo ku nyeshyamba za Nyatura, icyakora yemeza ko FDLR imaze gucika intege kuko abasirikare benda kuyishiraho.
Umuhoza Yves
