Gen Jean- Lucien Bahuma wahoze ari Umuyobozi wa FARDC muri regiyo ya 8 y’igirikare cya Repubulika Iharanira Demokarasi ya Congo, yasabiwe gushyirwa mu ntwari z’igihugu nyuma y’imyaka icyenda ishize yitabye Imana.
Gen Bahuma, yaguye mu mpanuka y’imodoko kuwa 31 Kanama 2014 muri Uganda ,aho yari yitabiriye inama yagombaga kwiga ku kibazo cy’umutekano mucye mu gace ka Beni ho mu ntara ya Kivu y’Amajyaruguru ,hagamijwe guhashya imitwe yitwaje intwaro by’umwihariko ADF.
Gen Bahuma ,afatwa nk’uwari uyoboye Operasiyo zo guhashya umutwe wa M23 mu mwaka 2013 aho yakoranaga bya hafi na Col Mamadu Ndala ndetse akaba yaragize uruhare rukomeye mu guhangana n’umutwe wa ADF wazengereje abaturage mu duce twa beni muri Kivu y’Amajyaruguru no mu ntara ya Ituri.
Abamuzi ,bavuga ko ariwe wahaga amabwiriza Col Mamadou Ndala muri operasiyo za gisirikare zari zigamije guhashya umutwe wa M23 mu 2013 zarangiye uyu mutwe utsinzwe .
Kuva icyo gihe ,Gen Bahuma, yatangiye kwamamara no gukundwa n’Abanye congo batari bake bavuga ko we na Col Mamadou Ndala ,aribo babashije guhangana na M23 kugeza itsinzwe .
Mu muhango wo kwibuka imyaka icyenda ishize Gen Bahuma yitabye imana wabaye kuwa 31 Kanama 2023 ,wabereye mu mjyi wa Kisangani, Patrick Bahuma umutware w’umuryango we , yavuze ko Gen Bahuma yari umusirikare w’intwari witangiye igihugu, ngo kuko yagize uruhere rukomeye mu bitero byacogoje umutwe wa M23 mu mwaka wa 2013.
Patrck Bahuma, yakomeje avuga ko izina rya Gen Jean-Lucien Bahuma ,risa nkaho ryirengagijwe ndetse nta gaciro rihabwa n’Ubutegetsi bwa Kinshasa nkaho ntacyo yamariye igihugu, kandi ngo yaragize uruhare rukomeye mu bitero byibasiye M23 mu 2013 ,bituma uyu mutwe uva ku butaka bwa Congo uhungira mu Rwanda na Uganda.
K’urundi ruhande ariko, bamwe mu Banye congo batuye mu mujyi wa Kisangani, bavuga ko Ubutegetsi bwa Joseph Kabila (akiri Perezida), aribwo bwahitanye Gen Bahuma cyo kimwe na Col Mamadou Ndala bakoranaga , nawe warasiwe mu nkengerero za Beni agahita hasiga ubuzima.
N’ubwo bimeze gutyo ariko, kugeza ubu nyacyo Guverinoma ya DRC iratangaza ku busabe bw’Umuryango wa Gen Jean-Lucier Bahuma , busaba ko Umubyeyi wabo yashyirwa mu ntwari z’igihugu .
Claude HATEGEKIMANA
Rwandatribune.com
