Umunyamakuru Ntamuhanga Cassien wari umaze iminsi yaraburiwe irengero yagaragaye i Kampala mu murwa mukuru wa Uganda arinzwe n’Urwego rw’Ubutasi rwa gisirikare rw’icyo cyihugu (CMI).
Amakuru yizewe agera kuri Rwandatribune.com arahamya ko Ntamuhanga cassien n’uwitwa Ntwari Frank boherejwe nk’intumwa za Kayumba Nyamwasa guhura n’umwe mu barwanyi ba RUD URUNANA ukomeye witwa Capt.Nshimiyimana Cassien alias Gavana.
Akaba ngo ari mu rwego rwo kongerera ubushobozi uyu mutwe umaze gushegesheshwa n’ibitero byinshi bya FARDC itsinda rya Operasiyo Zokola 2.
Uyu Capt Nshimiyimana ni nawe ushinzwe umutwe wihariye bita CRAP muri RUD UNUNANA, akaba yarashyiriweho impapuro zimuta muri yombi n’ubutabera bwa Repubulika Iharanira Demokarasi ya Kongo kubera ibyaha byibasiye inyokomuntu yakoreye ahitwa i Miliki nuri Teritwari ya Lubero.
Umutwe RUD Urunana ukuriwe na Gen Juvenal Musabyimana alias Jean Michel.
Uyu mutwe ni umunyamuryango w’igisilikare cya P5 gikuriwe na Ir Major Ntilikina Faustin, RUD URUNANA yashinzwe mu mwaka wa 2001 na Nyakwigendera Gen Ndibabaje Musare ubwo yari amaze kwigumura kuri FDLR.
Mwizerwa Ally
