Update:Gen.Byiringiro Victor wa FDLR yaba yahungiye iKobo mu gihe imirwano irigusatira ahari ibirindiro bye muri Kibirizi.

Gen.Byiringiro mu nzira zimusubiza mu gace ka Ikobo yahozemo nyuma yaho abarwanyi ba M23 bamaze gufunga inzira nyinshi zijya iKibirizi

Ababyiboneye n’amaso baravuga ko Lt.Gen Iyamuremye Gaston uzwi nka Byiringiro yaba yaba yabashije gutorokeshwa n’abarwanyi ba FDLR babarizwa muri CRAP,mu gihe umutwe wa M 23 urimo gusatira iKibirizi.

Umutegarugori twahaye amazina ya Nyiraneza k’ubwumutekano we yabwiye Rwandatribune ati:ubwo abarwanyi ba M23 binjiraga hafi na Kirima aba FDLR batunyuzeho bahetse Muzehe mu ngombyi yambaye ishabure ndende mw’ijosi,aba barwanyi bavugaga ko bari guhungisha Perezida wabo kuko hari amakuru bamenye ko M23 ishaka kumufata mpiri.

Uyu mutangabuhamya yakomeje avuga ko abarwanyi benshi ba FDLR bari iKibirizi batangiye kuhava ariko hakaba hari abanda bakizerera hafi aho.

Abasesenguzi mu bya politiki bavuga ko uyu mutwe wa FDLR ushobora kuzongwa no kongera guhungira mu baturage b’abakobo ,basanzwe bafitanye inzigo ikomeye cyane ko mu bihe byasize abakobo babashije kwirukana FDLR na RUD mu bice byabo aha twavuga intambara zabereye Kanyabayonga,Miliki na Bwavinywa yasize aba baturage ubwabo biyiciye Gen.Musare wari Komanda wa RUD URUNANA .

Mwizerwa Ally