Abarwanyi ba FDLR barenga 25 nibo biciwe muri Rwindi harimo Maj.Patrick wabarizwaga muri Burigade Kanani ikuriwe na Col.Ndatuhoraho Oreste uzwi nka Malinete
Umwe mu babyiboneye n’amaso avuga ko umurambo wa nyakwigendera bawusanze mu gace ka makomarehe ahari hasanzwe hari indiri ya FDLR, uyu mutangabuhamya twahaye amazina ya Narcice ubarizwa mu mutwe wa Nyatura yabwiye isoko ya Rwandatribune ko uyu Maj.Patrick yari akuriye ikompanyi ya CRAP.
Uyu mutangabuhamya yakomeje avuga ko hasze iminsi 4 uyu Maj Patrick yishwe akaba yarishwe n’abarwanyi ba M23 bari bavuye ahitwa Gatsiro , bakaba barateye baegndeye ku makuru yavugaga ko Lt.Gen Byiringiro Victor yaba ari muri ako gace arikumwe na Col.Ndatuhoraho Oreste uzwi nka Malinete, nyuma rero umutwe wa CRAP nk’ibisanzwe wagombaga kurwana inkundura kugirango abayobozi ba FDLR badafatwa mpiri, ibi bikba byaraviriyemo uyu Major Patrick kwicwa.
Umutwe wa M23 ukomeje guhugira hasi no hejuru Lt.Gen Byiringiro Victor, uzwi ku mazina ya Gen.Rumuri, ariko ubundi amazina ye y’ukuri yitwa Iyamuremye Gaston yavutse mu mwaka 1941, avukira mu cyahoze ari Kimini Nyakinama, Segiteri Muko, ubu ni mu karere ka Musanze, Umurenge wa Muko , akaba ari afite impamyabumenyi y’ikirenga mu by’amashanyarazi yakuye mu gihugu cy’uBubiligi, yagiye ku mwanya wa perezida wa FDLR asimbuye Ignace Murwanashyaka waje gutabwa muri yombi,n’igihugu cy’uBudage nyuma aza kwitaba Imana.
Uwineza Adeline
