Prince Kid wahoze ayobora irushanwa rya Miss Rwanda ubu akaba akurikiranyweho ibyaha bifitanye isano n’ihohoterwa rishingiye ku gitsina ryakorewe bamwe mu bakobwa bitabiriye iri rushanwa, yongeye gusubikirwa urubanza.
Isubikwa ry’uru rubanza ruregwamo Prince Kid, ryabaye mu gitondo cyo kuri uyu wa Kane tariki 17 Ugushyingo 2022 ubwo we ndetse n’umunyamategeko we Me Nyembo Emelyne bagaragarizaga Urukiko Rwisumbuye rwa Nyarugenge ko bifuza ko abatangabuhamya bazaza mu rukiko.
Kumva aba batangabuhamya bagomba kuzashinja Prince Kid, byemejwe n’Umucamanza wafashe iki cyemezo ku munsi yagombaga gusomeraho umwanzuro w’urukiko ariko akavuga ko ataca urubanza atabanje kumva abo batangabuhamya banyuze mu Bushinjacyaha n’Ubugenzacyaha.
Uyu munsi uruhande rw’uregwa, rwavuze ko rwifuza ko abo batangabuhamya baza mu rukiko bagatanga ubuhamya bwabo imbonankubone kuko ari bwo ubuhamya batanga bwaba bwizewe.
Urukiko Rwisumbuye rwa Nyarugenge rwahise rwemeza ko urubanza rusubikwa, rurwimurira ku ya 25 Ugushyingo 2022.
RWANDATRIBUNE.COM
Uyu mu type aho yageze yamamara ni ho ageze aseba