Urukiko rukuru rwa Musanze ruhanishije gufungwa Me.Niyonsenga Tony,Ndahiro Martin,Dusabeyezu Seraphin gufungwa ku cyaha cyo gucura inyandiko mpimbano z’inkiko gacaca
Urukiko rukuru rwa Musanze kuri uyu wa kane rwakatiye Bwana Byukusenge Ndahiro igifungo cy’imyaka 6,Me.Niyonsenga Tony ,Buzizi Slathiel na Dusabeyezu Seraphin bahanishwa imyaka 6 y’igifungo n’indishyi za miliyoni 14.400.000 hiyongereyeho n’amahazabu y’urukiko.
Umucamanza yashimangiye ko ibihano byategetswe n’urukiko rwisumbuye rwa Rubavu bigumaho,urubanza rukaba rwasomewe mu ruhame.
Twababwirako Byukusenge Ndahiro Martin amaze gukatirwa n’inkiko zitandukanye ibihano bifitanye isano no guhimba inyandiko mpimbano yifashishije inkiko gacaca,n’ubu twandikaga iyi nkuru akaba yaje gusomerwa yambaye impuzangano z’abagororwa ku bindi byaha akekwaho byo gucura inyandiko mpimbano zatumye agurisha mu cyamunara imitungo y’abantu batandakunye bivugwa ko harimo n’iya nyakwigendera Col.Sagatwa wapfanye n’uwari Perezida w’uRwanda juvenal Habyarimana.
Uwineza Adeline
Rwandatribune
