Biteganyijwe ko kuri uyu wa kane, tariki 8 Kanama 2024 hiteze imyanzuro y’urubanza rwa Cornelle Nangaa wahoze ari perezida wa komisiyo y’amatora ya CENI-yigenga, kuri ubu akaba ari umuyobozi w’umutwe wa politiki witwara Gisirikari AFC
Kuri uyu wa kane ni bwo Urukiko rwa Gisirikare rwa Kinshasa / Gombe ruratangaza imyanzuro yarwo.
Ni nyuma yicyiciro cy’iburanisha ry’abavoka bunganira abaregwa, aho Coloneyi Naanga yari yasabiwe igihano cy’urupfu n’umushinjacyaha ku byaha by’imtambara akurikiranweho na bagenzi be.
Mu iburanisha riheruka ubwo bireguraga, umwe mu bunganira abaregwa yari yagerageje kwerekana ko nta bimenyetso bifatika bishobora gushinja abakiriya be barimo Corneille Nangaa.
Uyu munyamategeko yamenyesheje Urukiko ko nta bimenyetso bifatika bishobora kwerekana ko abakiriya be bagize uruhare mu myigaragambyo cyangwa ibindi byaha baburanishwa.
Kubihakana ngo cyari igitekerezo yahawe na mugenzi we avoka Muiti Muhindo Ngashani Désiré.
Ishyaka rya gisivili, rihagarariwe na Me Tharcisse Matadi Wamba, umwe mu banyamategeko bo muri Repubulika Iharanira Demokarasi ya Congo mu gusubiza, yibukije ko mu gihe cy’urubanza umwe mu baregwa, Eric Nkuba, yemeye ko ari we washinze AFC, ahanini igizwe na M23.
Ubushinjacyaha buhagarariwe na Koloneli Alpha Limbaya, babinyujije mu nyandiko, bwongeye gusaba Urukiko rwa Gisirikare gushyiraho ibihano.
Ibyaha Corneille Nangaa na bagenzi be baregwa bakurikiranyweho, ni ibyaha by’intambara, kwifaranya n’umutwe w’abagizi ba nabi ndetse n’ubuhemu.
Abo bagabo kandi bararegwa kuba barashinze umutwe witwaje intwaro urwanya FARDC, aho abaregwa 21 baraburanishwa badahari nk’uko ikinyamakuru Media Congo kibitangaza.
Icyitegetse Florentine
Rwanda Tribune.com
