Urubanza rwa Prince Kid, urukiko rwategetse ko rwongera gutangira bushya, kubera amajwi mashya Ubushinjacyaha bwatanze, atarigeze aburanwaho mbere.
Ni icyemezo cyafashwe ejo kuwa 29 Kamena 2023. Yaba Prince Kid cyangwa abamwunganira mu mategeko, nta n’umwe wagaragaye ku Rukiko Rukuru.
Ku wa 29 Mata 2023 Urukiko Rukuru rwari rwasoje kumva impande zombi mu bujurire bw’Ubushinjacyaha mu rubanza ruregwamo Ishimwe Dieudonné.
Prince Kid, akurikiranyweho ibyaha byo gukoresha imibonano mpuzabitsina ku gahato no guhoza undi ku nkeke bifitanye isano n’imibonano mpuzabitsina.
Ubushinjacyaha bwajuririye icyemezo cy’Urukiko Rwisumbuye cyagize umwere Prince Kid, bugaragaraza ko umucamanza atitaye ku bimenyetso byatanzwe na zimwe mu mvugo z’abatangabuhamya.
Me Nyembo Emeline wunganira Prince Kid, yavuze ko ubusanzwe iyo ubushinjacyaha bujurira bukwiye kuba bunenga ingingo zaburanywe mu rubanza rwa mbere ariko ko ubu atari ko bimeze.
Yagaragarije urukiko ko Ubushinjacyaha bushaka kuzana ingingo zitaganiriweho mu Rukiko Rwisumbuye nk’ibimenyetso kandi atari ko byagakwiye kugenda.
Prince Kid yafunguwe kuwa 8 Gicurasa 2022.
Uwineza Adeline
