Muri FDLR hari aba Ofisiye bakirwaye amarozi bahawe na Maj Bizabishaka intumwa ya Omega,ikigamijwe kwari kwigizayo abashobora kuzamusimbura
Kw’ikubitiro ni Gen.Maj Uzabakiriho Kolomboka ni Komanda wungirije wa FOCA ,akaba umu EX FAR wo muri poromosiyo ya 29 muri ESM ishuri rikuru rya gisilikare ubwo Nyakwigendera Lt.Gen Mudacumura Gen.Maj Uzabakiriho niwe wahabwaga amahirwe yo kuyobora FOCA ariko amahirwe ntiyamusekera bituma ahabwa umwanya wa Komanda wungirije wa FOCA,ubu akaba afite ibirindiro ahitwa Miandja muri Masisi kure y’aho bibera .
Gen.Maj Kolomboka yaje guhabwa uburozi mu mwaka wa 2020,buguzwe k’umupfumu w’ahitwa ku Munigi,iyo diru yakozwe na Ajida Fidel usanzwe ashinzwe ibikorwa bya FOCA muri Goma,uyu Jenerali Kolomboka ahora ku karago kuko amara ye yangiritse.
Byose byasizwe kuri Gen.omega kubera ko uyu Gen.Maj Kolomboka bize hamwe kandi yari umugabo umurushya ubwenge n’ubutwari Omega yahisemo kumwangiza kugirango atazamusimbura,undi nawe uhora ku kirago ni Gen.BGD Gakwerere Sibo Stany n’Umuyobozi muri Kabine ya gisilikare ufite igikundiro mu basilikare ntibyaje kumuhira igihe Gen.Byiringiro yamubonagamo umusilikare ukomeye mu gihe kizaza byamukururiye ishyano,kuko Gen Omega yamutumyeho Fidel amuha uburozi aciye ku basilikare bamutekeraga icyo gihe ,kugeza ubu uyu mu Jenerali aracyarembye kubw’ayo marozi.
Gen.BGDE Rishirabake Serge uzwi ku mazina ya Shima Serge Perezida w’urukiko rukuru muri FDLR amaze imyaka 3 arwaye uburozi n’umwe mu basilikare bakuru barwanyije ko Gen Omega atorerwa kuyobora FOCA ,akaba azwiho kuba avuka mu ntara y’Amajyepfo kimwe na Gen.BGD Kimenyi Nyembo muri iki gihe bombi barwaye amarozi ndetse n’ibisesengeri isoko y’aya marozi n’uko Omega yifuza ko bahora mu ntege nke cyangwa bagapfa,kugirango batazarwanya itorwa rye rya Manda y’ubuyobozi bwa Komanda FOCA ikurikira ya 3 kuko iya kabiri igiye kurangira.
Col Kubwayo Gusatve uzwi ku mazina ya Giyome ni Komanda w’agateganyo wa CRAP wagiyeho mu bwunvikane buke bwabaye hagati ya Gen.Byiringiro na Gen Omega,Gen.Omega yashakaga ko CRAP iyoborwa na Maj Muhire Yefuta uvuka mu majyaruguru,aha rero Gen.Byirigiro akavuga ko hakwiye kubahirizwa amabwiriza agenga FOCA ko Col.Ruhinda agomba gusimbuzwa n’umwungirije ariwe Lt.Col Kubwayo Gustave Giyome biza kuba itegeko,ubu niwe muyobozi wa CRAP uyu Lt.Col Giyome akimara kuba Komanda wa CRAP yahise atamikwa amarozi kugeza nanubu.
Amarozi yo muri FDLR ntiwayavuga nguyasoze kuko na Lt.Gen Byiringiro ubwe ayamaranye imyaka ibiri ariko bivugwa ko ayahabwa n’agatsiko ka Gen.Omega ndetse ko yahawe n’inzaratsi zimugira ikigoryi ku buryo atabashya no kumenya ibibera mu rugaga ayoboye,kuko iby’abwiwe byose avuga ko arabaza Bikira Maria,benshi mu bayobozi ba FDLR basanga Lt.Gen Byiringiro yarahawe uducurama,tumwambura ubwenge ku buryo buri wese apanga uko yakwigira muri MONUSCO akicira iMutobo .
Abasesenguzi mu bya Politiki bavuga ko uyu mutwe wabaye inyungu za bamwe mu bayoboz b’uyu mutwe,abanda bikababera igihombo abarimu gihombo bose bakingwa igikarito cy’amasengesho kugirango hatagira icyo babaza,nyamara hari abitwa abarwanashyaka b’uyu mutwe bafashe amadeni muri za Banki bizeye ko uyu mutwe uzabageza k’ubutegetsi ariko biza kurangira amaso aheze mu kirere.
Mwizerwa Ally
Rwandatribune
