Visi perezida wa Leta zunze ubumwe za Amerika Kamala Harris yatangaje ko ashaka kunga ishyaka rye, kunga igihugu, no gutsinda Donald Trump mu matora ateganijwe mu kwezi k’ Ugushyingo uyu mwaka.
Ibi Harris Kamara yabitangaje nyuma y’uko abonye ko ashyigikiwe n’abitwa aba ‘delegates’ cyangwa se intumwa z’ishyaka ry’Abademokarate zihagije kugira ngo yemezwe nk’umukandida w’ishyaka rya bo mu matora ya Perezida.
Mu itangazo, Kamala yashyize ahagaragara yavuze ko ashimira Perezida Joe Biden wamugiriye ikizere akamuha umwanya wo kwiyamamaza mu mwanyawe ndetae anashimira buri wese wo mu ishyaka ry’abademokarate wamaze kumugirira icyizere.
Kugeza ku munsi w’ ejo kuwa mbere nijoro, Harris Kamala yari amaze gushyikirwa n’intumwa 1,976 zikenewe ngo atsinde ku kiciro cya mbere cyo kwemerwa nk’umukandida wa ririya shyaka.
Intumwa z’ishyaka ni abantu batoranywa ngo bahagararire abantu batora mu gace runaka mu nteko rusange y’ishyaka ry’abademokarate ku rwego rw’igihugu.
Uku gushyigikirwa kwa Harris kubanjirije amatora nyayo ya ziriya ntumwa azaba hagati y’ itariki 1 kugeza kuya 7 z’ukwezi gutaha kwa Kanama, aho Harris mu buryo bweruwe biteganyijwe ko yemezwa nk’umukandida Perezida w’ w’ ishyaka ry’ abademokarate.
Kuva ku cyumweru ubwo Joe Biden yatangaza ko ahagaritse urugendo rwe rwo kwiyamamariza kuba Perezida, Miliyoni z’amadorari zimaze kwisuka nk’impano yo gushyigikira kwiyamamaza kwa Kamala Harris.
Mu itangazo rye uyu munsi, Harris yavuze ko mu mezi ari imbere agiye kuzenguruka Amerika abwira abaturage bayo ibyo ateganya muri manda ye y’imyaka 4 agiye guhatanira kuyobora Amerika.
Harris w’imyaka 59, azaba ari umukandida w’amaraso mashya ugereranyije na Trump. Harris ashobora gukoresha imyaka 78 ya Trump mu kumurwanya, kuko atowe yaba ari we Perezida ukuze kurusha abandi utowe muri Amerika.
Uruhande rwa Trump na rwo rukomeje kugaragaza Harris nk’ umuntu udakomeye bihagije kandi waba ari akaga abaye Perezida wa Amerika, kuko niwe waba abaye Perezida wambere uyoboye iki gihugu ari umugore.
Ni mu gihe Trump we yamaze gutangaza ko ari we muntu ukwiye kuba perezida wa Amerika.
Rwandatribune.com
