Mu itangazo rigenewe abanyamakuru, rikaba ryandikiwe abagenzi bo muri Leta zunze ubumwe z’Amerika, rivuga ko kubera ukuntu intambara iri kubera mu karere k’ibiyaga bigari, bagomba kwitondera kuza muri aka karere.
Iyi ntambara ihanganishije umutwe w’inyeshyamba wa M23 n’igisirikare cya Leta ya Congo bifatanije n’abacanshuro hamwe n’abandi basirikare bakomotse mu bihugu bitandukanye birimo n’uburundi.
Iyi ntambara Kandi yasize igihugu cya Congo gishwanye n’u Rwanda, kuko Congo yashinjaga u Rwanda gufasha M23 mu ntambara uhanganye mo na Leta ya Congo.
Ubushyamirane hagati ya Repubulika Iharanira Demokarasi ya Congo (DRC) na Repubulika y’u Rwanda ngo yaba ariyo mpamvu yatumye ubuyobozi bw’ Amerika, binyuze muri Minisiteri y’Ububanyi n’Amahanga, buvugurura ibjyanye n’ingendo zikorerwa muri aka karere.
Mu itangazo rigenewe abanyamakuru ryandikiwe abagenzi, abategetsi b’Abanyamerika barabasaba kurushaho kwitonda.
Minisiteri y’ububanyi n’amahanga y’ Amerika yerekanye mu nama zayo ko imitwe yitwaje intwaro ikorera mu ntara za Kivu y’Amajyaruguru n’Amajyepfo ya DRC, ndetse no muri Parike ya Virunga, iherereye hafi ya Parike y’ibirunga mu Rwanda.
Yagize Ati: “Aka karere kiyongereyemo amakimbirane ndetse kakaba karimo n’intambara ishobora no kwambuka imipaka.
Adeline Uwineza
Rwandatribue.com
