Ubutegetsi bwa Joe Biden bwasabye inzego zibishinzwe gutegura mu byiciro gufungurira imipaka ibahuza n’amahanga , iki cyemezo kije Amerika ubu yugarijwe no kwiyongera gushya k’ubwandu, cyane cyane mu batarakingiwe, mu gihe ubwoko bwa Delta bwiganje, ndetse nko muri leta ya Florida imibare y’abashyirwa mu bitaro irenga iyigeze ibaho mbere.
Uturere twinshi n’ibikorwa by’ubucuruzi muri Amerika ubu byongeye gushyiraho amabwiriza ategeka abantu kwambara agapfukamunwa ahari abantu benshi.
Umukozi wa White House utaravuzwe izina, yavuze ko ubutegetsi buri kureba uko imipaka yafungurwa mu buryo “budateye akaga”.
Aha yagize ati: “Hakabaho kugabanya abanyamahanga binjira muri Amerika bavuye mu bihugu byose – bagomba kuba barakingiwe byuzuye”.
Kuri ubu amabwiriza asanzwe abuza abagenzi benshi bavuye mu mahanga kwinjira muri Amerika.
Ku ikubitiro yashyiriweho Ubushinwa mu kwezi kwa mbere 2020 kuva icyo gihe, yagiye yagurwa ku bantu bose batari Abanyamerika bavuye mu Bwongereza n’ibihugu by’Ubumwe bw’Uburayi, Ubuhinde Brazil, Ireland, Iran na Africa y’Epfo.
Abemerewe kwinjira muri Amerika bagomba kwerekana ko batanduye Covid-19 mu minsi itatu y’urugendo.
Jen Psaki ushinzwe itangazamakuru muri White House, yatangaje ko Leta zunze ubumwe z’America hagumishijweho amabwiriza ariho kugeza ubu kubera ubwiyongere bw’ubwandu , gusa uyu mwanzuro ntiwifuza n’abafite Kompanyi z’indege na ba mukerarugendo.
Muri Leta zunze ubumwe za America abarenga 70% bahawe doze ya mbere y’urukingo rwa Covid-19.
(Ambien)
