Polisi yo muri Leta ya Utah imwe mu zigize Leta zunze ubumwe z’Amerika yataye muri yombi Abanyarwanda bane ibacyekaho gushimuta umwana w’imyaka 15 bakamusambanya.
Inkuru ya Fox News ivuga ko ku wa Kane nibwo Polisi ikorera mu gace kitwa West Valley mu Mujyi wa Midvale, yahamagawe itabazwa ngo ize ikore iperereza ku by’uko hari umwana wari washimuswe, agasambanywa.
Uwayitabaje yavuze ko yabikoze nyuma yo kubona ubutumwa yohererejwe n’uriya mwana kuri telefoni buvuga ko yashimutiwe ahantu runaka kandi ko ngo yari amaze gusambanywa kenshi.
Aba banyarwanda batawe muri yombi ni Aimé Byuma w’imyaka 33 y’amavuko iramufata, Juvith Ndabereye w’imyaka 22 Christian Makoma na Patrick Bigirimana .
Polisi ivuga ko Uwitwa Patrick Bigirimana yasanganwe n’uyu mwana w’umukobwa mu cyumba yamusindishije nyuma yo guhabwa amakuru na bagenzi be.
Fox 13 News ivuga ko mu kubahata ibibazo Bigirimana, Makoma na Byuma biyemereye ko basambanyije uyu mwana naho Ndabereye we akabihakana.
