Uturere twa Nyanza , Gisagara na Bugesera twari tukiri muri guma mu karere twakomorewe ingendo , gusa hashyirwaho ingamba zihariye zizubahirizwa muri utu turere bitandukanye n’ahandi hose mu gihugu.
Mu itangazo ry’ibyemezo bya Guverinoma ryashyizwe ahagaragara n’Ibiro bya Minisitiri w’Intebe rishyiraho ingamba zivugurura izari ziheruka gushyirwaho n’Inama y’Abaminisitiri, rivuga ko ingamba zose zashyizweho zizatangangira kubahirizwa guhera Ejo Kuwa 30 Werurwe 2021.
Muri izi Ngamba nshya uturere twa Nyanza na Gisagara na Bugesera twari muri guma mu karere twakomore ingendo.Bitandukanye n’ahandi mu gihugu, mu turere twa Nyanza na Gisagara, ingendo zirabujije guhera saa moya z’ijoro kugera saa kumi z’igitondo.
Ni mu gihe mu bindi bice by’igihugu, ho ingendo zibujijwe guhera saa tatu z’ijoro kugera saa kumi z’igitondo naho ibikorwa by’ubucuruzi byo bigomba gufunga saa mbili kugira ngo abantu bagere mu ngo nta muvundo mu nzira.
