Mu Mujyi wa Uvira indege y’ikompanyi Kivin Avion yakoze impanuka igwa hasi ku butaka ihita ishwanyuka.
Iyi mpanuka yabereye i Kavumu muri teritwari ya Kabare Intara ya Kivu y’Amajyepfo mu gitondo cyo kuri uyu wa Gatatu Tariki ya 16 Kamena 2021.
Nkuko byatangajwe n”urwego rushinzwe ubwikorezi bw’indege muri RD Congo, ngo iyi ndege yahiriye mu kirere ubwo yarigeze mu Kibaya cya Bushumba hafi y’ikibuga cy’indege maze igwa hasi ku butaka irangirika bikabije ,hashize iminota mike ihagurutse kuri icyo Kibuga.
Amakuru akomeza avuga ko iyi ndege yavaga i Kavumu yerekeza Shabunda
Bikaba bivugwa ko iyi ndege yaba yahitanye abantu babiri bari bayirimo n’undi mugenzi umwe wari hafi yaho iyo ndege yaguye nubwo kugeza magingo aya nta makuru yemewe aratangazwa n’inzego zibishinzwe ku baba bakomeretse cyangwa ngo babe baguye muri iyi mpanuka.
Hategekimana Claude.
