Ndamukunda Jean Pierre w’imyaka 18 y’amavuko utuye mu murenge wa Rwezamenyo akere ka Nyarugenze ,yafashwe ari kubagira imbwa mu kazu k’amazi aho asanzwe akorera ubucuruzi bw’amazi ya WASAC.
Inzego z’ishinzwe umutekano mu muremge wa Rwezamenyo, zamenye aya makuru kuwa 18 Werurwe 2023, maze zijya kumuta muri yombi ariko ahita y’ikingirana muri ako kazu kamazi aho abaturage bavomera, biza kurangira tariki ya 19 Werurwe 2023 yemeye gusohoka ahita atabwa muri yombi
Ndamukunda, yakorera uwitwa Kamonyi Frederick akazi ko gucuruza amazi ya wasac , yemeye gufungura akazu k’amazi yari yikingiranyemo amaze kubaga iyo mbwa.
Uwo musore, yafashwe ashikirizwa Satasiyo ya Polisi ya Rwezamenyo gusa inyama z’iyo mbwa ziracyari aho yayibagiye, hakaba hapanzwe uburinzi mu gihe hategerejwe umwanzuro wa Veterineri w’umurenge wa Rweza menyo.
Kugeza ubu ariko, mu gitabo cy’amategeko ahana y’u Rwanda nta ngingo ihana uwabaze cyangwase uwariye imbwa gusa umuco Nyarwanda ukaba hari bimwe mu biribwa uziririza harimo no kurya imbwa.
Mukarutesi Jessica
