Uwari uhagarariye Igihugu cya Uganda muri Kenya, Dr Hassan Waswa Ggaliwango yitabye Imana azize uburwayi muri iki Gihugu cya Kenya.
Inkuru y’urupfu rwa Ambasaderi Dr Hassan Waswa Ggaliwango rwamenyekanye mu gitondo cyo kuri uyu wa mbere tariki 16 Mutarama 2023.
Ibinyamakuru byo muri Uganda no muri Kenya, bivuga ko umwe mu muryango wa Dr Hassan Waswa Ggaliwango, yavuze ko yitabye Imana azize uburwayi.
Amakuru avuga ko nyakwigendera yari yajyanywe mu bitaro ku wa Kane w’icyumweru gishize nyuma yo kugira ibibazo by’umutima yari amaranye igihe.
Uyu munyapolitiki wa Uganda, yagiye agira imyanya ikomeye muri Uganda aho yanabaye Umuyobozi ushinzwe imari mu bunyamabanga bw’Ishyaka rya Museveni rya NRM.
RWANDATRIBUNE.COM
