Bwa mbere mu mateka ye, Virgil Van Dijk myugariro w’ikipe ya Liverpool yegukanye igihembo cy’umukinnyi mwiza ku mugabane w’uburayi ahigitse ibihangange Lionel Messi na Christiano Ronaldo.
Iki gihembo gihabwa umukinnyi witwaye neza kurusha abandi, hagendewe ku bikorwa by’ubudashyikirwa yagezeho mu ikipe ye cyangwa y’igihugu cye mu marushanwa ategurwa n’impuzamashyirahamwe y’umupira w’amaguru ku mugabane w’uburayi
Myugariro Van Dijk yegukanye iki gihembo kubera ibikorwa by’indashyikirwa yagize ubwo yari mu ikipe ye ya Liverpool n’ikipe y’igihugu cye cy’Ubuholandi.
Mu rugendo rwerekeza ku gikombe champions league Van Dijk yakinnye mikino 12 atsinda ibitego 2 anatanga imipira ivamo ibitego 2.
Mu ikipe y’igihugu cye cy’Ubuholandi mu irushanwa rihuza amakipe y’ibihugu hariya ku mugabane w’uburayi rizwi nka UEFA NATIONS LEAGUE begukanye umwanya wa 2, Dijk yakinnye imikino 38 atsinda ibitego 4 atanga imipira ivamo ibitego 2.
Ubwo yakiraga iki gihembo kuri uyu wa Kane, Van Dijk yashimiye abamufashije bose kugirango abigeho.
Yagize ati “Mbere na mbere ndashimira bagenzi banjye mu makipe yombi iyo ntabagira sinari kubigeraho, ndashimira umuryango wanjye birumvikana, byabaye urugendo rurerure natangiye nkiri muto, ibi ni kimwe mu bigize umuzima bwanjye, ntewe ishema no kwegukana iki gihembo”
Umwanya wa kabiri wegukanwe na Lionel Messi wagize amanota 207, uyu niwe watowe nka rutahizamu mwiza ku mugabane w’uburayi mu mwaka ushize dore kuko yafashije ikipe ya FC Barcelona kwegukana igikombe cya shampiyona n’igikombe kiruta ibindi muri esipanye.
Messi yatsinze ibitego 12 mu mikino 10 mu irushanwa rya Champions League nubwo ikipe ye yagarukiye muri ½.
Muri shampiyona ya esipanye yatsinzemo ibitego 32 atanga n’imipira 15 ivamo ibitego anayifasha kugera ku mukino wa nyuma w’igikombe cy’umwami.
Cristiano Ronaldo yaje ku mwanya wa 3 n’amanota 74 nk’umukinnyi watsinze ibitego byinshi mu mikino y’irushanwa rihuza amakipe y’ibihugu ku mugabane w’uburayi (UEFA Nations League) aho yegukanye iki gikombe n’ikipe y’igihugu cye cya Portugal ayitsindira ibitego 3.
Yahesheje ikipe ya Juventus igikombe kiruta ibindi mu gihugu cy’ubutaliyani anayihesha igikombe cya shampiyona.
Iki gihembo gitanzwe ku nshuro ya 9 cyegukanwe n’ibindi bihangange nka Luka Mordic 2017/2018, Christiano Ronaldo 2016/2017, Cristiano Ronaldo 2015/2016, Lionel Messi 2014/2015, Christiano Ronaldo 2013/2014, Frank Ribery 2012/2013, Andres Iniesta 2011/2012, Lionel Messi 2010/2011
Ibindi bihembo byatanzwe
Umunyazamu mwiza w’umwaka yabaye ALISSON becker
Myugariro mwiza w’umwaka yabaye VIRGIL van dijk
Umukinnyi mwiza wo gahati w’umwaka yabaye FRENKIE de jong
Rutahizamu mwiza w’umwaka yabaye LIONEL messi
Umukinnyi mwiza w’umugore w’umwaka yabaye lucy BRONZE
Umukinnyi mwiza wa Europa league yabaye EDEN Hazard
Christian Hakorimana
