None kuwa Gatanu tariki ya 19 Kanama 2022 nibwo urukoko rwibanze rwa Kicukiro rwafashe umwanzuro ko Mugabekazi Liliane ukurikiranyweho gukora ibiterasoni arekurwa by’agateganyo.
Urubanza rwa Liliane Mugabekazi rwari gusomwa ku wa Kabiri w’icyumweru gitaha, rusomwe mu kanya 16h00 kuri uyu wa Gatanu 19 Kanama 2022.
Urukiko rw’Ibanze rwa Kicukiro rwavuze ko rwasanze nta mpamvu ikomeye yatuma aburana afunzwe, rutegeka ko Liliane Mugabekazi ushinjwaga icyaha cyo gukora ibiterasoni mu ruhame, arekurya akaburana ari hanze.
Mugabekazi yagejewe imbere y’urukiko kuri uyu wa Kane tariki 18 Kanama 2022 aho Ubushinjacyaha bwamusabiraga gufungwa by’agateganyo iminsi 30.
Uyu mukobwa wari umaze icyumweru atawe muri yombi akaba yari afungiye i Remera mu Mujyi wa Kigali, akurikiranyweho icyaha cyo gukora ibiterasoni mu ruhame yakoze kubera imyambarire ye yagaragazaga imyanya ye y’ibanga.
Iyi myambarire yayambaye ubwo yitabiraga igitaramo cyaririmbyemo umuhanzi mpuzamahanga uzwi nka Tacy cyabaye tariki 30 Nyakanga 2022.
Bamwe baremeza ko yarekuwe kubera igitutu kiriwe ku mbuga nkoranyambaga, cy’abavugaga ko adakwiye gufungwa ndetse hakaba hari hatangiye uburyo bwo gusaba ko arekurwa.
