Uherutse gutsinda amatora y’Umukuru w’Igihugu muri Kenya, William Ruto, yatangaje ko yaganiriye kuri telefone na Uhuru Kenyatta agiye gusimbura.
Ku wa Mbere w’iki cyumweru tariki 05 Nzeri 2022, Urukiko rw’Ikirenga rwo muri Kenya rahamije bidasubirwaho William Ruto yatsinze amatora y’Umukuru w’Igihugu.
Urukiko rw’Ikirenga rwateye utwatsi ibyatangazwaga na Raila Odinga ko yibwe muri aya matora, ruvuga ko atigeze abigaragariza ibimenyetso simusiga.
Nyuma yuko uyu mwanzuro w’Urukiko rw’Ikirenga utangajwe, Perezida Uhuru Kenyatta yatangaje ko yiteguye guhererekanya ubutegetsi mu mahoro n’uwatsinze.
Gusa Uhuru Kenyatta agiye guhererekanya ubutegetsi na William Ruto, atari amushyigikiye mu matora dore ko yari ashyigikiye Raila Odinga bahanganye mu matora ubugirakabiri.
Kuri uyu wa Gatatu tariki 07 Nzeri, William Ruto, yatangaje ko yagiranye ikiganiro kuri telephone na uhuru Kenyatta.
Yagize “Nagiranye ikiganiro na boss wanye, Perezida Uhuru Kenyatta. Twaganiriye ku matora aherutse kuba ndetse no guhererekanya ubutegetsi nk’ikimenyetso cy’umuco wacu wa Demokarasi.”
Uhuru Kenyatta wungirijwe na William Ruto muri manda ebyiri amaze ku butegetsi, yatunguranye ubwo yatangazaga ko azashyigikira Odinga mu gihe byari bizwi ko ari inshuti y’akadasohoka ya William Ruto.
RWANDATRIBUNE.COM
