RDC: undi murinzi wa Pariki ya Virunga yishwe mu gitero cyagabwe na RUD URUNANA
Umurinzi muri Parike ya Virunga yishwe ejo bundi kuwa gatandatu ushize mu gitero cyagabwe n’abantu bitwaje imbunda ku irondo ry’abashinzwe kubungabunga ibidukikije hafi y’umudugudu wa Sarambwe.
Nk’uko byatangajwe n’ubuyobozi bwa Parike, ngo iki gitero cyagabwe n’abarwanyi bo mu mutwe uharanira demokarasi no kwibohora mu Rwanda (RUD-URUNANA) muri iyo Pariki.
Abashinzwe umutekano w’iyi Parike babangamiwe no gukorera ahantu hadafite umutekano muri Parike ya Virunga aho imitwe yitwaje intwaro yagizemo indiri.
Muri Mata umwaka ushize, Abarinzi 12 muri bo baguye mu gitero cyagabwe kuri FDLR hafi ya Rumangabo, mu karere ka Rutshuru.
Umutwe wa RUD URUNANA washinzwe mu mwaka wa 2003 n’uwari Umurwanyi muri FDLR Majoro Musare waje kwicwa n’abarwanyi b’Abandandi bazwi ku mazina ya Mai Mai Candayira muri 2016,uyu mutwe ukaba uri mu bafatanyabikorwa ba RNC ya Kayumba Nyamwasa,ushinjwa ubwicanyi,ubusahuzi gufata abagore ku ngufu muri Gurupoma ya Binza,Teritwari ya Rucuro.
Mwizerwa Ally
