Inzego zishinzwe umutekano zatabajwe n’abaturage ubwo itsinda ry’abantu bitwaje intwaro ryinjiraga muri Pariki ya Virunga zinyuze mu Kiyaga cya Edourd muri Kivu ya Ruguru kuwa Gatandatu tariki ya 5 Ukuboza 2020.
amakuru yiriwe acicikana mu binymakuru byo muri Repubulika iharanira Demokarasi ya Congo biravuga ko ,ako gatsiko k’abitwaje intwaro kinjiye mu ishyamba rya Virunga byaketsweko kagizwe n’abanyekongo bivanze n’abanyamahanga.
Umwe mu bavugizi b’Umuryango udaharanira inyungu ukorera muri ako gace utashatse ko amazina ye atangazwa k’ubwumutekano we yabwiye Umunyamakuru wacu ukorera iGoma ko abo bikekwa ko ari abarywanyi binjiye mu ishyamba rya Virunga baturutse mu gace ka Vitshumbi gasanzwe gatuwe n’umubare munini w’abakora uburobyi mu kiyaga cya Eduard, Muri Teritwari ya Rutshuru.
Mbay Makayanga umwe mu bayobozi bako gace we yatangaje ko n’ubusanzwe agace ka Vitshumbi gasanzwe kibasirwa n’imitwe yitwaye intwaro nka Mai-Mai, Nyatura,FPP ABAJYAMUGAMBI na (FDLR).
Abaturage bavuga ko umutekano wabo uba wugarijwe buri gihe kabone nubwo hari ingabo zishinzwe umutekano mu Kiyaga cya Eduard , bo banemeza ko zidafite ubushobozi bwo guhangana n’iyi mitwe yitwaje intwaro ibarizwa muri Kivu y’Amajyaruguru .
Mwizerwa Ally
