Col Sebastien Katunda Lonnye wari uherutse kugirwa umuyobozi w’umujyi wa Butembo wo mu ntara ya Kivu y’Amajyaruguru mu burasirazuba bwa Repubulika iharanira Demokarasi ya Congo yapfuye ataratangira izo nshingano.
Ikinyamakuru Election-net .com dukesha iyi nkuru kivuga ko , uyu mugabo wari usanzwe akorera Polisi ya Congo yapfuye kuwa 16 Kamena ari nawo munsi byari biteganijwe ko ahererekanya ububasha kuei izi nshingano nshya na Mugenzi we w’umusivili yari asimbuye.
Col Katumba Lonnye bivugwa ko yapfiriye mu murwa mukuru wa Repubulika iharanira Demokarasi ya Congo Kinshasa. Kugeza ubu inkomoko y’urupfu rwe ntiratangazwa n’ubuyobozi bw’abasirikare bayoboye Intara ya Kivu y’Amajyaruguru.
Umujyi wa Butembo wo muri Kivu y’Amajyaruguru , ufatwa nk’umurwa wayo mu Bucuruzi, aho nawo usanga ukunze kwibasirwa n’ibitero by’abarwanyi bitwaje intwaro batera bagamije gusahura.
