Umutwe wa Red Tabara urwanya Ubutegetsi bw’u Burundi wasohoye itangazo rinyomoza ibyatangajwe n’igisiruikare cya Congo Kinshasa FARDC ko yishe abarwanyi bayo 2 abandi bagafatwa mpiri.
RED Tabara ibinyujije ku muvugizi wayo Patrick Nahimana yabihakanye yivuye inyuma ko nta barwanyi bayo bishwe ndetse ko nabo bavuga ko bafashwe mpiri ari ikinyoma cyambaye ubusa.
Yagize ati” Nta ngabo zacu zafashwe,dore ko ntanimirwano duheruka kugirana na n’Ingabo za Congo (FARDC)”
Nahimana yakomeje avuga ko abo bose ari abiyitirira umutwe wabo ngo babone uko babasiga icyasha kandi nyamara ntagahunda baba bafitanye.
Abajijwe niba bataba bari kwihakana aba bantu kuko bafashwe yasubije agira ati” abo benshi baba baturutse mu Mbonerakure za CDD FDD baje kuneka barangiza bakatwiyitirira. Yanavuze ko nta ntambara bafitanye n’igisirikari cya Congo muri Kivu y’Amajyepfo ati :ibyo ntibyabayeho.
Yakomeje avuga ko ikibaraje ishinga ari igihugu cy’amavuko cyabo[Burundi] atari Repubulika Iharanira Demokarasi ya Congo.
M Louis Marie
