Kuri uyu wa 06 Ukuboza 2021 Brig . Gen. Vicent Nyakarundi uyobora urwego rushinzwe iperereza mu gisirikari cy’u Rwanda, RDF yitabiriye inama y’umutekano y’umuryango w’Afurika y’iburasirazuba,EAC,iri kubera iBurundi.
Muri iyi nama yatangiye kuri uyu wa 06 ukuboza 2021,Gen Vicent Nyakarundi yahuriyemo na bagenzi be bayoboye inzego zishinzwe iperereza mubihugu byabo, harimo uBurundi, Kenya, Uganda, Sudani y’Amajyepfo, Tanzania hamwe n’u Rwanda.
Abitabiriye iyi nama baganiriye kuburyo ibihugu bigize uyu muryango byarushaho kwifatanya mu kurwanya ibikorwa by’iterabwoba, ibyaha byambukiranya imipaka n’imitwe yitwaje intwaro. Higiwemo kandi uburyo bwo guhanaha amakuru avuye munzego z’ubutasi no gushimangira ubufatanye.
Gen. Nyakarundi yaherukaga i Bujumbura muri Nyakanga 2021, munama yahurije hamwe abayobora inzego z’iperereza mu gisirikari mubihugu byabo ,aribyo u Rwanda, Tanzania, Uganda hamwe na Repubrika iharanira demukarasi ya Kongo. Ibiganiro bagiranye byasaga n’ibi bya EAC.
