Kuri uyu wa 03 Mutarama 2022, mu ntara ya Kivu y’Amajyepfo ,umusirikare wa reta ya Congo yarashe umucuruzi wacururizaga muri kiyoske hanyuma nawe urubyiruko rwo muri aka gace rumwicisha ibibando
Uyu musirikari mu ngabo z’igihugu cya Congo (FARDC) yatumye imbaga nyamwishi ishyira mu majwi izi ngabo z’igihugu buzuye umujinya mwishi ,ngo kuko uyu mucuruzi wacururizaga mu karere ka Kavimvira mu mujyi wa Uvira mu ntara ya Kivu y’Amajyepfo,yatonganye n ‘uyu musirikari hanyuma bananiwe kumvikana,ahita amurasa ,aramwica hanyuma urubyiruko rumuhombokaho baramukubita kugeza nawe ahaburiye ubuzima.
Ibi ngo byabaye ahagana sa 20h40 ku muhanda wa Rubenga hafi n’ isoko rya Kilomoni muri komine ya Kavimvira.
Dominique Kalonzo, ushinzwe itumanaho mu mujyi wa Uvira, yatangarije isoko ya Rwandatribune ko uyu musirikare yatewe ubwoba nyuma yo gutongana n’uyu mucuruzi wakoreraga muri iyi Kiyosiki. Yakomeje yerekana ko muri ayo makimbirane, uyu musirikare yarashe umucuruzi.
Gusa ubuyobozi b’uyu mujyi bwagaragaje ko uyu mucuruzi ukiri muto rwose ,yakomerekejwe n’amasasu ariko yahise ajyanwa kwa muganga mu kigo nderabuzima cyari hafi aho ari naho yaje kugwa.
Umuhoza Yves
