Lt Gen Muhoozi Kainerugaba yongeye gutungura abamukurikira ku rubuga rwa Twitter agaragaza ko azi amateka y’u Rwanda uhereye ku ngoma y’umwami Mutara III Rudahigwa yarutwaye kugeza mu mwaka 1959.
Abinyujije mu butumwa yanyujije kuri Twitter, Lt Gen Muhoozi yafashe ifoto ya Mutara Rudahigwa ayihuza n’umwamikazi Rozalie Gicanda aziherekesha amagambo avuga ko amateka y’u Rwanda na Uganda ari ayakera.
Yagize ati” Uyu ni Mutara III Rudahigwa n’umwamikazi we Rosalie. Amateka yacu ni maremare byimbitse muri aka karere”
Lt Gen Muhoozi Kainerugaba ,uherutse kugirira uruzinduko mu Rwanda ni kenshi yagiye agaragaza isano Uganda ifitanye n’u Rwanda aho akunze kwifashisha ingero z’abantu bakomeye mu mateka yarwo nka Perezida wa Repubulika y’u Rwanda Paul Kagame na Maj Gen Fred Rwigema afata nka ba Nyirarume.
Lt Gen Kainerugaba ni umuhungu w’imfura wa Perezida Museveni akaba ari nawe mugaba mukuru w’ingabo zirwanira ku butaka.
Umwami Mutara III Rudagigwa wagarutsweho na Gen Muhoozi ni umwami wayoboye u Rwanda guhera mu mwaka 1911 kugeza mu mwaka 1959. Rudahigwa yatangiye I Bujumbura mu Burundi ku rupfu rutavuzweho rumwe. Naho umwamikazi we Rosalie Gicanda yishwe muri Jenoside yakorewe Abatutsi.
