Perezida wa Uganda ,Yoweri Kaguta Museveni akaba n’Umugaba w’Ingabo za Uganda yakiriye mu biro bye i Entebbe urubyiruko rw’Ishyaka Nationaal Unity Platform rya Bobi Wine rwafatiwe mu myigaragambyo rukoherezwa kwigishwa gukunda igihugu mu kigo cy’ubutasi cya ISO.
Uru rubyiruko rugera kuri 91 ni urwafatawe mu myigaragambyo yabaye mbere na nyuma y’amatora yo kuwa 14 Mutarama 2021, ubwo aba bayoboke ba NUP bigaragambyaga bavuga ko Perezida Museveni na NRM ye babuza abatavugarumwe n’ubutegetsi kwiyamamaza.
Umuyobozi wa ISO Col Oluka yabwiye Perezida Museveni ko uru rubyiruko rwatojwe gukunda igihugu ndetse bakanahabwa amahugurwa ajyanye n’ubutasi.
Ahmed Ssebugwawo wiyitaga “Gen Kikankane, akana n’umugaba mukuru w’ingabo za NUP zirwanira ku butaka “yemereye Perezida Museveni ko ubwo we na bagenzi be bafatwaga , bari bahawe misiyo na perezida w’ishyaka NUP Robert Kyagulanyi yo gudobya umuhango w’irahira rya Perezida Museveni.
Ssebugwawo yavuze ko nyuma yo guhabwa amasomo yo gukunda igihugu, ubumwe bw’abenegihugu no guhindura imyumvire kuri Demokarasi bagiye gufata iya mbere mu gukangurira urubyiruko bahereye mu murwa mukuru kwirinda kwijandika mu bikorwa bigamije guteza imidugararo mu gihugu.
Perezida Museveni yabagaragarije ko yanyuzwe n’uko uru rubyiruko rwahinduye imyumvire , anemeza ko ubu bagiye kuba abatangabuhamya bakomeye bo gukunda igihugu.
