Imitwe 5 yitwaje intwaro ikorera muri Kivu ya Ruguru yiyemeje gufasha FARDC guhangana n’ibitero bya M23.
Amakuru agera kuri Rwandatribune avuga ko aya masezerano agaragaza ko FARDC yayagiranye n’imitwe 5 ikorera muri Kivu y’Amajyaruguru. Iyi mitwe ivugwa ni ACPLS, NDCR,FPP (umutwe wiyomoye kuri FDLR), CMC na Mai Mai ANPDH/ Nyatura.
Muri iyi mitwe hiyongeraho umutwe wa FDLR umaze igihe bafitanye imikoranire, bivugwa ko aya masezerano yasinyiwe mu gace ka Pinga mu nama yabaye kuva tariki ya 08 kugeza kuya 9 Mata 2022. Uruhande rwa FARDC rukaba rwari ruhagarariwe na Col Tokolonga usanzwe ayobora Rejima ya 3411 mu ngabo za Congo Kinshasa.
Iyi mitwe yiyemeje gutanga abarwanyi 600 bazafasha ingabo za Congo Kinshasa kwirukana M23 mu duce yafashe. Iyi nyandiko ikomeza yerekana ko Col Tokolongo yashimiye imitwe yashyize umukono kuri aya masezerano anemeza ko Raporo ayishyikiriza umuyobozi we, Gen Chirimwami.
Aya masezerano aje akurikura imikoranire yari imaze iminsi hagati ya FARDC n’abayobozi b’imitwe nka APCLS, Mai Mai Nyarura na FDLR bamaze igihe bayifasha.
RWANDATRIBUNE.COM
