Kuri iki cyumweru tariki ya 5 Kamena 2022, ibitangazamakuru binyuranye mu gihugu cy’Uburusiya byatangakje ko Gen Roman Kutuzov wari umwe mu bayoboye urugamba mu ntara ya Donbas mu burasirazuba bwa Ukraine yarashwe agahita apfa.
Ikinyamakuru Moscow Times cyandtitse ko ,Igisirikare cy’Uburusiya kitaremeza aya makuru. Gusa ngo ibitangazamakuru bibogamiye kuri Leta y’Uburusiya nabyo byakomeje kwandika inkuru y’urupfu rwa Gen Kutuzov.
Umunyamakuru Sladov wajyanye n’ingabo z’Abarusiya ku rugamba, yatangaje ko uyu mu-jenerali w’Uburusiya yarasiwe ku rugamba aho yari agaragiwe n’abasirikare benshi barimo abamwungirije bafite amapeti ya Colonel.
Gen Kutuzov yibukirwa ku bikorwa yayoboye mu gace ka Donetsk byanatumye gahita gatangaza ko kiyomoye ku butegetsi bwa Kiev. Umugaba w’ingabo zirwanira ku butaka za Ukraine Gen Dimitri Ivanov yari aherutse gutangaza ko Gen Kutuzov ari umwe mu mbogamizi zikomeye ingabo ze zagiye zihura nazo mu bikorwa byo kwirwanaho.
Mu gihe Igisirikare cy’Uburusiya cyakwemeza amakuru y’Urupfu rwa Gen Kutuzov yaba abaye Umusirikare wa 4 ufite ipeti rya Gen waba uguye mu ntambara Uburusiya bwashoje kuri Ukraine.
Uruhande wa Ukraine rwo rutangaza ko rumaze kwivugana abajenerali 12 b’Uburusiya kuva intambara yatangira.
Muri iyi ntambara kandi, Uburusiya bumaze kuburiramo abofisiye bakuru 317 barimo aba Col, Maj na Lt Col.
