Tariki ya 24 Kamena 2022, Umugaba Mukuru w’Ingabo z’u Rwanda Gen Jean Bosco Kazura yagiranye ibiganiro na Lt Gen Marcos Da Costa uyobora ingabo z’Umuryango w’Abibumbye ziri mu butumwa bwo kugarura amahoro mu burasirazuba bwa Repubulika iharanira Demokarasi ya Congo (MONUSCO).
MONUSCO ibinyijije ku rubuga rwabo rwa Twitter ivuga ko aba bayobozi b’ingabo bahuriye muri Gisenyi Serena Hotel, mu karere ka Rubavu, aho ngo mu biganiro bagiranye byibanze ku mutekano w’imipaka u Rwanda ruhanye na Repubulika iharanira Demokarasi ya Congo.
MONUSCO muri ubu butumwa bugufi yanyujije kuri Twitter ivuga ko Gen Kazura na Gen Da Costa baganiriye ku kibazo giheruka kugaragara ku mupaka ubwo Umusirikare wa FARDC yarengaga imbibi akinjira ku butaka bw’u Rwanda arasa abashinzwe umutekano n’abasivili yari asanze ku mupaka mbere y’uko nawe araswa. Cyakora RDF ntiyigeze itangaza iby’ibi biganiro.
Tariki ya 17 Kamena 2022 nibwo Umusirikare wa FARDC yinjiye ku butaka bw’u Rwanda arasaba abaturage n’abashinzwe umutekano nabo bahise bamurasa mu cyico ahita apfa.
