Depite Frank Kabuye uhagarariye agace ka Kassanda mu nteko ishingamategeko yatawe muri Yombi aho akurikiranweho urupfu rw’umunyeshuri wiga muri Kaminuza i Makerere.
Hon Kabuye usanzwe ari umuyoboke w’ishyaka NUP rya Robert Kyagulanyi alis Bobi Wine, afunganwe n’abandi bayoboke biri shyaka barimo Allah Ssekidde na Kabuurwa Muzafaru bakekwaho ubufatanyacyaha mu rupfu.
Umuvugizi wa Polisi ya Uganda muri Kampala, yemeje ko Hon Kabuye afungiwe muri Sitasiyo ya Polisi ya Kampala mu gihe aba babiri bo bafungiwe mu gace Wandegeya.
Luke Owoyesigire yavuze ko ifungwa rya Kabuye ryaturutse ku kuba ariwe wari uyoboye imyigaragambyo yaguyemo umunyeshuri.
Bivugwa ko uyu munyeshuri wishwe ari uwitwa Betungura Bewotti w’imyaka 27 wigaga mu ishami ry’amategeko muri Uganda Christian University, Campus ya Kampala.
Bivugwa ko ubwo abanyeshuri b’iyi Kaminuza bari mu bikorwa byo kwiyamamariza imyanya y’abayobora abanyeshuri muri iyi Kaminuza, bagabweho igitero n’abayoboke ba National Unity Platform ya Bobi Wine bari bavanze n’aba FDC ya Col Besigye.
Muri uko gushyamirana nibwo Betungura yatewe ikimene cy’icupa mu ijoso n’umwe muri abao bayoboke b’aya mashyaka utaramenyekana. Akimara gukomeretswa ngo yahawe ubutabazi bw’ibanze ariko bibura icyo bitanga kuko yapfuye ari mu nzira yerekeza ku bitaro bya Kaminuza.
(Valium)
