M23 yemeje ko ingabo za FARDC zimaze iminsi zikorera hamwe imyitozo n’Umutwe wa FDLR mu rwego rwo kuyigabaho ibitero, ariko ko biteguye ku buryo igihe babagabiraho ibitero bazabasubiza inyuma vuba na bwangu.
Mu itangazo ryasohowe n’umutwe wa M23 rivuga ko ingabo za Leta FARDC zimaze iminsi zitegura ibitero byo kwirukana M23 mu birindiro yigaruriye, iyi myiteguro ikaba iri gukorwa ku bufatanye bw’imitwe y’inyeshyamba izwi nka Nyatura na FDLR.
Isoko y’amakuru ya Rwandatribune iri Rutschuru, ivuga ko kugeza ubu imitwe y’aba Mai-Mai iri muri iyi mirwano aho ivugako yaje gufasha Leta.
Iyi mitwe ni FDLR, Mai Mai CMC FAPC, Mai Mai CMC FDC, Mai Mai FPP Kabido, Mai Mai APCLS, Mai Mai ancdh ya Gen.Jean Marie,na Mai Mai NDC Ndume ya Gen.Guidon.
Muri iyi myitozo kandi harimo imitwe igizwe n’abanyarwanda nka FDLR, RUD-Urunana na FPP abajyarugamba ya Gen.Dani Simplice.
Iyi mitwe igizwe n’Abanyarwanda ikaba yarahawe uduce igomba gukoreramo aho nka RUD-Urunana yahawe kurinda agace ka Binza naho FPP Abajyarugamba ihabwa agace ka Karambo muri Busanza.
Murii iri tangazo kandi Umutwe wa M23 wavuze ko utazongera kurebera ibikorwa by’iyicarubozo bimaze iminsi bikorerwa abakongomani bavuga ururimi rw’Ikinyarwanda.
Ally MWIZERWA
RWANDATRIBUNE.COM
