Inama nkuru ya gisilikare iteraniye i Katanga muri gurupoma ya Binza igamije kuzamura abarwanyi bayo mu mapeti.
Isoko y’amakuru ya Rwandatribune iri muri Binza Teritwari ya Rutshuru mu ntara ya Kivu y’Amajyaruguru ivugako abarwanyi b’umutwe wa RUD Urunana bateraniye mu nama ngarukamwaka iramara iminsi itatu igamije kuzamura abasilikare bayo mu mapeti no gutegura ibitero byagutse kuri M23. Biravugwa ko Col Tokolonga wa FARDC Ari umutumirwa muri iyo nama.
Isoko ya Rwandatribune Kandi ivuga ko abari muri iyo nama bemeje ko Lt Col Bushegeri ariwe ugomba kuyobora agace k’imirwano ka Busanza akazaba afite icyicaro ahitwa Karambo. Muri iyi nama kandi Capt Nshimiyimana Cassien ukuriye CRAP yahawe ipeti rya Major.
Mu bandi bahawe inshingano banazamurwa mu ntera Kandi harimo Lt Col Diogene Jango wagizwe Colonel mu gihe abagize iyi nteko bemeje bazamuye Col Faida Hakimu bamugira General de Brigade.
Col Faida Hakim wagizwe Jenerali ni muntu ki?
Col Faida amazina ye yukuri yitwa Nsengiyunva Emmanuel alias Faida Hakimu,yavutse muri 1970 avukira mu cyahoze ari Komini Kinigi,ahitwa Tero ubu ni mu murenge wa Musanze , Karere ka Musanze.
Yinjiye muri FAR 1989,yahunze Ari SSGt. Mu ntambara y’abacengezi yabaye muri Hillondele Bn yayoborwaga na Capt Ntabwoba.
Ubwo Gen Musare yigumuraga muri 2005 Faida yari S/Lt ashinzwe Radio na Communication.
Yaje ku buyobozi bwa RUD Urunana asimbuye Col Kagoma wishwe ,Kagoma yari asimbuye Col Rugema nawe yari asimbuye Gen Bgd African Jean Michel.
Uwineza Adeline
