Perezida wa Repubulika y’u Rwanda akaba n’Umugaba w’Ikirenga w’Igisirikare cy’u Rwanda yazamuye mu ntera Brigadier General Nkubito Eugene amugira Major General.
Nk’uko itangazo rya RDF ribigaragaza ,izi mpinduka zirahita zitangira guhera uyu munsi kuwa 16 Kanama 2022 zikimara gutangazwa.
Gen Nkubito yari asanzwe ari umuyobozi w’Ingabo mu Ntara y’Iburasirazuba n’Umujyi wa Kigali yagiye akora izindi nshingano zinyuranye mu gisirikare cy’u Rwanda nk’aho yayoboye Ingabo z’u Rwanda mu Ntara y’Amajyaruguru.
Yanabaye intumwa Nkuru y’u Rwanda mu butumwa bwo kugarura amahoro muri Sudani y’Epfo (UNMISS).
Gen Nkubito bivugwa ko agiye guhabwa inshingano zo guhuza ibikorwa by’ingabo na Polisi y’u Rwanda ziri muri Mozambique, agiye gusimbura Maj Gen Innocent Kabandana.
