Umupolisi wo mu ntara ya Makamba mugace ka Nyanza- lac mu Burundi, yishe bagenzi be 2 abarashe bahita bapfa .ariko nawe yahise atabwa muri yombi.
Ni inkuru yamenyekanye mu gitondo cyo kuri uyu wa 18 Kamena, ubwo hatangazwaga ko umupolisi ukorera kuri Stasiyo ya Nyanza-lac yarashe mugenzi we wari wicaye imbere y’umwe mu miryango y’ibiro, hanyuma uwari mu nzu yasoka aje kureba ibibaye nawe agahita araswa.
Uyu mu Polisi wari wicaye yahise ahasiga ubuzima naho mugenzi we wari umaze kuraswa mu gatuza amasasu arenze rimwe we yajyanywe kwa muganga ariko apfa bataragerayo.
Nyuma y’iki gikorwa cy’ubunyamaswa uyu mu Polisi yahise atoroka ariko aza gufatwa arafungwa.
Kugeza ubu icyamuteye kwica bagenzi be ntikiramenyekana cyakora iperereza riracyakomeje
Komiseri w’intara ya Makamba yasabye imiryango yabuze abayo kwihanganba kandi abamenyesha ko bari gukora ibishoboka byose ngo bamenye impamvu yabimuteye kandi abiryozwe.
Komiseri yanatangaje ko bazakomeza kuba hafi y’imiryango yabuze abayo.
