Imitwe ya FDLR n’indi izwi nka Nyatura yibumbiye mu kiswe “Wazalendo” ikorana n’igisirikare cya Leta FARDC ,irashinjwa gusahura imitungo y’Abaturage muri teritwari ya Rutshuru.
Amakuru dukesha imboni yacu iherereye muri teritwari ya Rutshuru, avuga ejo kuwa 26 Kamena , muri Gurupoma ya Tongo, hiriwe imirwano yari ihanganishije M23 n’umutwe wa FDLR ufatanyije na CMC Nyatura ,APCL, muri Localite ya Tongo teritwari ya Rutshuru.
Aya makuru yanemejwe na Sosiyete sivile yo muri Gurupoma ya Tongo , avuga ko iyi mirwano yatumye Abaturage benshi batuye muri ako gace bahunga, maze inyeshyamba za FDLR zifatanyije n’imitwe ya Nyatura ,zitangira gusahura Inka, Intama n’indi mitungo yabo ku ngufu.
Biravugwa ko uri iyi mirwano , Abarwanyi ba M23 bahaye isomo rikomeye iyi mitwe yashakaga gusubira muri ako gace , kaguye mu maboko ya M23 mu mpera z’Umuka wa 2022.
Icyo gihe,Ingabo za Leta FARDC zifatanyije na FDLR , zataye ibirindiro byazo byari biri muri Gurupoma ya Tongo biherereye mu nkengero za Kazaroho nyuma y’uko M23 ifashe agace ka Mabenga.
Agace ka Tongo ,ni kamwe mu bice byari bisanzwe bifatiye Umutwe wa FDLR runini, bivugwa ko byibuze 70% by’ubutaka bw’ako gace, byasoreshwaga n’uyu mutwe.
Claude HATEGEKIMANA
Rwandatribune.com
