Abarwanyi 3 ba Nyatula CMC FDP ya Gen.Domi babarizwa mu cyiswe Wazalendo bamaze kwicirwa mu mirwano iri kubera ahitwa Kamena muri Gurupoma Tongo
Nk’uko byatangajwe n’Isoko ya Rwandatribune iri mu gace ka Tongo ivuga ko iyi mirwano yatangiye saa munani z’amanywa zo kuri uyu wa 22 Kamena 2023, aho bivugwa ko abarwanyi ba Nyatura bivanze na FDLR bagabye igitero gikomeye ku birindiro bya M23 biri ahitwa Kamena muri Gurupoma ya Tongo,teritwari ya Rutchuru, aha ni muri Kivu y’amajyaruguru.
Ababyiboneye n’amaso bavuga ko iki gitero cyaje kiyobowe na Gen.Mbitezimana bakunze kwita Gen Mbiteze akaba asanzwe ashinzwe ibikorwa bya gisilikare mu mutwe wa Nyatura.
Isoko y’amakuru ya Rwanda tribune yatangaje ko iki gitero cyabanje guhabwa umugsiha na Col.Niyibizi Komanda wa FARDC muri ako gace,ibi bikorwa bikaba bigamije gutegurira amayira ingabo za SADC zitegerejwe kuwa 30 Nzeri 2023 aho izi ngabo zizaza zifite ubutumwa butandukanye n’ubwingabo za EACRAF zimaze iminsi ziri k’ubutaka bwa Congo.
Abakurikiranira hafi ibya poltiki ya Congo bavuga ko imirwano ishobora kubura impande zose mu gihe cya vuba kuko buri ruhande rusa naho rwamaze kwitegura imirwano y’umutwe w’inyeshyamba wa M23 ndetse n’ingabo za Leta FARDC,Umutwe wa FDLR nawo ukaba ukomeje kwinjiza abarwanyi bashya benshi wagiye ukura mu nkambi z’impunzi zitandukanye.
Ibi bikiyongeraho abacancuro b’Abarusiya bamaze iminsi bagurwa na Leta ya Congo ndetse n’amasezerano y’igihe kirekire Leta ya Congo yagiranye n’umutwe w’Abarusiya wa Wgner.
Mwizerwa Ally
