Ingabo za Repubulika ya Demokarasi ya Congo na FDLR bohereje ingabo zabo nyinshi mu bice bya Sake, Mushaki n’ibindi bice byo muri Teritware ya Masisi, mu rwego rwo kugira ngo bafate umujyi wa Kitshanga bivugwa ko urimo ingabo za M23.
Izi ngabo zoherejwe k’umunsi w’ejo kuwa 24 Kanama 2023, Ubwo ingabo za FARDC n’imitwe y’inyeshamba irimo FDLR ndetse na Wazalendo bafashe umwanzuro ko zishaka kwandika amateka, zikarandura umutwe w’Inyeshamba wa M23.
Intambara ya M23 n’ingabo za Republika ya Democrasi ya Congo, yari imaze igihe ihagaze ni mu gihe bubahirizaga amasezerano ya Mahoro ya Luanda na Nairobi. Gusa muri ibi bihe umutwe wa M23 warugize igihe gito uhangana na Wazalendo.
Mu byumweru bibiri bishize nibwo Minisitiri w’intebe wungirije akaba na Minisiteri w’ingabo za RDC yatangaje ko ingabo ze zigiye kurandura umutwe w’Inyeshamba wa M23 nyuma y’uko hari hamaze gushyirwaho amasezerano ya DRC na Kenya mu rwego rwo gufatikanya mu ngabo.
Uwineza Adeline
