Igisirikare cya Repubulika iharanira Demokarasi ya Congo FARDC cyemeje ko cyashinze Radiyo izagifasha guhashya inyeshyamba zirimo ADF zirwanira muri Ituri.
Iyi Radiyo ifite icyicaro mu mujyi wa Bunia mu Ntara ya Ituri, yahawe izina rya RTFI (Radio-Television FARRC Ituri).
Umuvugizi wa FARDC mu Ntara ya Ituri, Lt Jules Ngongo yemeje ko iyi Radiyo yashinzwe koko, anavuga ko igiye kujya itara amakuru muri Bunia n’ibindi bice byinshi bya Ituri wongeyeho umujyi wa Beni uri mu Ntara ya Kivu y’Amajyaruguru.
Lt Ngogo , akomeza avuga ko iyi Radiyo izabafasha kumenyekanisha ibikorwa by’igisirikare muri aka gace gasanzwe kazwiho kuba indiri y’umutwe wa ADF.
Imijyi ya Bunia na Beni ni imwe mu mijyi yashegejwe n’ibikorwa by’urugomo rukorwa n’umutwe wa ADF , uvuga ko urwanya ubutegetsi bwa Uganda.
